Lorenzo Varela

Xesús Lorenzo Varela Vázquez naceu en 1916 a bordo dun barco á entrada da baía da Habana. Fillo de emigrantes orixinarios de Monterroso (Lugo), en 1920 transladouse coa súa familia a Bos Aires, mais a finais desde mesmo ano regresarían á Galiza, instalándose en Lugo. Alí fixo o Bacharelato e nun acto do Partido Galeguista celebrado nesa cidade en 1932 coñeceu a Castelao e Suárez Picallo. Ingresou nas fileiras do nacionalismo, partillando militancia nas Mocidades Galeguistas con Celso Emilio Ferreiro e Ramón Piñeiro nun momento en que radicalizan o seu posicionamento e se declaran "arredistas". En 1935 Varela incorpórase á revista en que publicaban Rafael Dieste, Antonio Baltar... Na tertulia do café coñeceu a artistas mozos como Laxeiro ou Colmeiro. Afiliouse ao Partido Comunista, durante a guerra percorreu os diferentes frentes. En 1937 tomou parte no Segundo Congreso Internacional de Intelectuais Antifascitas celebrado en Valencia. Finalizado o conflito armado, atravesou os Pirineos e ficou durante uns meses no campo de refuxiados de Saint Cyprien. En maio de 1939 conseguiu embarcar para México, onde recuperaría o seu labor.